تنظیم نے ایک بیان میں بتایا کہ سی اے ایم کو ہولوکاسٹ کے متاثرین اور ان کی نسل سے تعلق رکھنے والے افراد کی جانب سے رپورٹس موصول ہوئیں، جو ایئرپورٹ کیفے میں نازی علامت کی نمائش دیکھ کر شدید دلی صدمے سے دوچار ہوئے۔
ونگز کیفے کو مخاطب کرتے ہوئے گروپ نے اس بات پر زور دیا کہ لوفٹ وافے (جرمن فضائیہ) نے ہٹلر کے لیے پورے یورپ کے شہروں پر بمباری کی تھی اور یہ کہ سواستیکا ساٹھ لاکھ یہودیوں کے قتل عام کی علامت ہے۔ اس بات کو واضح کرتے ہوئے کہ ہوا بازی کی تاریخ نازی علامتوں کے بغیر بھی پیش کی جا سکتی ہے، تنظیم نے کیفے سے جنگی طیارے کا یہ ماڈل ہٹانے کا پرزور مطالبہ کیا۔